Llonxevidá
From Wikipedia, the free encyclopedia
La llonxevidá y la duración de la vida son conceutos rellacionaos cola bioloxía y cola evolución de les célules y órganos que componen los cuerpos de los seres vivos, y tresformamientos col trescurrir de la so vida. Nel casu del ser humanu la llonxevidá tien importantes conexones con aspeutos demográficos de la sociedá, y aspeutos sociolóxicus del individuu. Polo xeneral tien que ver cola duración de vida d'un ser humanu o d'un organismu biolóxicu y utilízase con más frecuencia en referencia a l'ancianidad o la edá d'un ser vivu, por casu la llonxevidá d'un árbol.
Les reflexones sobre la llonxevidá van davezu amestaes a la reconocencia de la brevedá humana ya inclúin discutinios sobre métodos pa estendela más allá de la llende tenida como normal. La tema foi non yá una esmolición de la ciencia, sinón tamién de la lliteratura de viaxes, ciencia ficción y noveles utópiques.
Esiste bastante dificultá n'atopar la mayor duración de la vida humana inclusive coles modernes téuniques estandarizadas de verificación, por cuenta de feches de nacencia inexactes o incompletes. Múltiples lleendes nes distintes cultures y contestos relixosos pretendieron estraordinaries llonxevidaes, tantu nel pasáu, como la de Matusalén na Biblia,[1] como nel futuru.