Coche del Añu n'España
From Wikipedia, the free encyclopedia
El Coche del Añu n'España ye un gallardón que s'otorga añalmente al meyor automóvil llanzáu n'España nos últimos dolce meses antes de xineru del añu correspondiente. El premiu foi creáu tomando como modelu'l títulu de Coche del Añu n'Europa en 1972 pol periódicu ABC, al traviés de la so seición selmanal Mundomóvil, dedicada al mundu del motor. El vehículu vencedor ye escoyíu por un xuráu compuestu por periodistes de revistes del motor y de prensa xeneralista, el númberu de miembros del motor según la cantidá d'automóviles candidatos foi n'aumentu dende la primer edición; en 1972 votaron trelce periodistes que teníen d'escoyer ente cinco vehículos —Renault 5, Seat 127, Citroën Dyane, Austin Victoria y Simca 1200— ente que pa escoyer al Coche del Añu n'España de 2013 los trenta y seis miembros de xuráu teníen d'escoyer ente más de cincuenta modelos.[1]
Coche del Añu n'España | ||
---|---|---|
Premiu a | Meyor modelu d'automóvil comercializáu n'España mientres l'añu. | |
Llocalización | España | |
Primer entrega | 1973 | |
Sitiu oficial | ||
[editar datos en Wikidata] |
El primer Coche del Añu n'España foi'l Renault 5, ente que'l postreru, el del añu 2017, ye'l SEAT Ateca. En toles ediciones escoyóse un automóvil sacante na de 1994, cuando dos modelos dafechu distintes —Renault Twingo y Citroën Xantia— quedaron empataos.[2]