Coímbra
conceyu y llocalidá de Portugal / From Wikipedia, the free encyclopedia
Coímbra (en portugués: Coimbra [kuˈĩbɾɐ] (?·i)) ye una ciudá portuguesa, capital del Distritu de Coímbra, en Beira Litoral, asitiada (solo pa fines estadísticos de la XE) na Rexón Centro y comunidá intermunicipal de Coímbra, cuenta con 143 396 habitantes, acordies col censu de 2011.[1]
Coímbra | |||||
---|---|---|---|---|---|
| |||||
Alministración | |||||
País | Portugal | ||||
Distritu portugués | Distritu de Coímbra | ||||
Tipu d'entidá | conceyu de Portugal | ||||
Nome oficial | Coimbra (pt) | ||||
Nome llocal | Coimbra (pt) | ||||
Códigu postal |
3000 | ||||
Xeografía | |||||
Coordenaes | 40°12′40″N 8°25′44″W | ||||
Superficie | 316.83 km² | ||||
Altitú | 43 m | ||||
Llenda con |
Cantanhede, Montemor-o-Velho (es) , Condeixa-a-Nova (es) , Miranda do Corvo (es) , Vila Nova de Poiares (es) , Penacova (es) y Mealhada
| ||||
Demografía | |||||
Población | 143 396 hab. (2011) | ||||
Porcentaxe |
107.23% de Distritu de Coímbra 1.39% de Portugal | ||||
Densidá | 452,6 hab/km² | ||||
Más información | |||||
Prefixu telefónicu |
239 | ||||
Estaya horaria |
UTC±00:00 UTC+01:00 | ||||
Llocalidaes hermaniaes |
Macáu, Santiago de Compostela, Esch-sur-Alzette, Dili, Aix-en-Provence, Curitiba, Fez (es) , Yaroslavl, Mindelo, Padua, Poitiers, Salamanca, Santos, Beira, São Paulo, Zaragoza, Cambridge, Santa Clara, Barcelona, Halle y Rio de Janeiro
| ||||
cm-coimbra.pt | |||||
Coímbra ye una ciudá trevesada pol ríu Mondego, de cais estreches, patios, escaleres y arcos medievales. La ciudá foi'l trubiecu de la nacencia de seis reis portugueses y de la primer dinastía, lo mesmo que de la primera Universidá de Portugal, siendo esta una de les más antigües d'Europa.
Delles estructures arqueolóxiques de la ciudá daten de la dómina romana, ente elles, l'acueductu romanu y el criptopórtico. De la mesma, entá permanecen munchos edificios que fueron construyíos mientres la dómina en que Coimbra foi la capital de Portugal (1131-1255). Mientres la Baxa Edá Media, col amenorgamientu del so papel como'l centru políticu del Reinu de Portugal, Coímbra empezó a convertise nun importante centru cultural. Más tarde, esti estatus foi, en gran parte, impulsáu al traviés de la creación de la Universidá de Coímbra en 1537, la institución académica más antigua nel mundu de fala portuguesa.
Amás d'atraer a munchos estudiantes europeos ya internacionales, la universidá ye visitada por munchos turistes polos sos monumentos y pola so historia. Los sos edificios históricos fueron clasificaos como Patrimoniu de la Humanidá pola UNESCO en 2013: «Coímbra ufierta un exemplu sobresaliente d'una ciudá universitaria integrada con una tipoloxía urbana específica, según son los sos propios ceremoniales y les sos propies tradiciones culturales que se caltuvieron brengosos al traviés de munchos sieglos».[2]
La ciudá foi capital nacional de la Cultura en 2003.