Camín Primitivu
From Wikipedia, the free encyclopedia
Conozse como Ruta Xacobea Primitiva, Ruta interior del Camín de Santiago del Norte o a cencielles como Camín Primitivu al trayectu ente Uviéu y Santiago de Compostela. Na localidá de Melide xúnese'l Camín de Santiago Francés al Camín Primitivu.
Camín Primitivu | |
---|---|
Situación | |
País | España |
Autonomía | Principáu d'Asturies |
Tipu | Ruta de peregrinación (es) |
Parte de | Caminos de Santiago de Compostela: Camino francés y Caminos del Norte de España (es) |
Coordenaes | 43°21′45″N 5°50′40″W |
Datos | |
Superficie | 1903,55 ha |
Nun ye casual el fechu de que la ruta sía conocida col apellativu de "primitivu", pos foi precisamente'l rei Alfonso II, posiblemente'l primer pelegrín conocíu, quien al conocer la noticia del afayu del cuerpu del santu, tomó esta ruta escontra Compostela pa ser testigu del sucesu.
Ente que la capital del Reinu tuvo n'Uviéu, la ciudá asturiana foi unu de los puntos neurálxicos de les pelegrinaciones a Santiago. Una vegada qu'ésta foi treslladada a Llión, la ruta de los franceses foi adquiriendo relevancia, convirtiéndose na principal vía de pelegrinación a la Ciudá Santa en desterciu de l'anterior.
Reza un tradicional cantar francés que quién a Santiago de Compostela va en pelegrinación y nun visita la Catedral d'Uviéu, dedicada al Salvador, "visita al Siervu y escaez al Señor". Ye por esto que munchos d'ellos opten, una vegada llegaos a Llión, por dirixir los sos pasos escontra la capital asturiana al traviés del conocíu como Camín de Santiago Real, y siguir con posterioridá escontra la ciudá del Apóstol per esta ruta.
De la importancia d'esti Camín dan fe los numberosos hospitales de la ciudá de Lugo, y los seis, dalgunos bien venceyaos al Camín, del conceyu de Burón, güei A Fonsagrada.