متحف محمد محمود خليلمتحفمصرى موجود فى حى الزمالك ف القاهرة. فى الاساس المتحف كان البيت بتاع محمد محمود خليل اللى قدر انه يجمع كمية لوحات و تماثيل و اعمال فنيه قيمه جدا و وصى مراته بعد ما مات و هى تموت انها تتبرع بالمكان للحكومه المصريه عشان تحوله لمتحف فنى. المتحف افتتحوه اول مرة فى سنة 1962 و بعدين اتنقل لقصر الامير عمرو ابراهيم فى سنة 1971 و بعدين افتتحوه تانى فى الزمالك فى سنة 1979.الامن فى المتحف اتقال انه ضعيف جدا و مش بالمواصفات اللى المفروض تكون مطلوبه فى المتاحف و اثبت ان الاتهمات دى صح لما ف يوم 22 اغسطس 2010 اتسرقت لوحة زهور الخشخاش ,اللى موجوده فى المتحف و اللى رسمها فان جوخ, اتسرقت فى عز الظهر ف يوم و محدش لاقيها لحد دلوقتى.المتحف فيه مكتبة فيها حوالى 4000 كتاب و مرجع فنى كانو لصاحب القصر محمود خليل. و فيها كراسى فى القاعات عشان الناس تتفرج على اللوحات براحتها و بمزاج.