مسلات مصريه خارج مصر
From Wikipedia, the free encyclopedia
المسلات هو ابتكار فرعونى بحت، يعنى مافيش شعوب عملت اشكال زى المسلات دى فى العالم الا المصريين القدماء بس، وكانوا بيستخدموها الملوك فى تخليد ذكرى الانتصار لمعاركهم الحربية، بيتم صنعها فى الغالب من رخام الجرانيت على شكل عمود رباعى الأضلاع له قاعدة مربعة وبيبقا ممدود لفوق وبيضيق كلما اتجهنا للقمة، وبينتهى بطرف مدبب يشبه الهرم. بتعتبر اطول مسلة فى العالم موجودة فى مدينة أسوان وبيبلغ ارتفاعها 39 متر بدون القاعدة، ووزنها اكتر من 1200 طن.
عرفها العرب باسم (إبر الفراعين) وكلمة (مسلة) نفسها فى اللغة العربية بتطلق على ابرة الخياطة الطويلة السميكة، لكن الأسم الفرعونى ليها كان (تَخَن) يعنى “الأصبع ذو الشعاع المضيء”، لما جم اليونانيين الى مصر شبهوها بالرمح (ὀβελίσκος) ومنها جت التسمية فى اللغات اللاتينية Obeliskos.
تقريبا ابتدت عملية نقل المسلات للخارج ايام الوجود الأشورى فى مصر، لما امر الملك أشور بانيب بنقل مسلتين ناقصتين، بعد ما كساهم بالبرونز، الى عاصمة ملكه فى نينوى قبل مايبدأ الرومان فى نقل الكتير من المسلات.