عصر النهضه
From Wikipedia, the free encyclopedia
عصر النهضه او الرنيسانس Renaissance - ( بالطليانى Rinascimento = الولاده الجديده ): مرحله ثقافيه او حركه بشريه [1] ظهرت اول ما ظهرت فى ايطاليا فى القرن الاربعتاشر و وصلت لذروتها فى القرن خمستاشر و انتشرت بعد كده فى اوروبا. فى الفتره دى اتحررت العقول و الفنون الجميله من القيود الدينيه اللى فرضتها مفاهيم فترة العصور الوسطى، و فيها اهتم الفنانين و المفكرين بالفنون و الافكار الاغريقيه و الرومانيه القديمه اللى كانت سايده قبل ما تبدأ مرحلة التقهقر و الانحطاط الثقافى اللى عمت فى عصور الظلام و العصور الوسطى ، مش عشان تقليدها لكن لدراستها و مناقشتها بحريه كحافز للنهوض و التقدم. المواضيع الدينيه بقت بتترسم و بتتنحت بحريه زى ما كان الحال فى عصور الحضاره الاغريقيه و الرومانيه، وبدأ التفكير الفنى و الادبى و العلمى يتخطى حدود الفكر الدينى الغيبى الضيق اللى كان مفروض عن طريق رجال الدين و ديولهم فى العصور الوسطى. عصر النهضه كان اساس و مفتاح اوروبا لدخول عصر التنوير و من بعده عصر العلم الحديث.
| ||||
---|---|---|---|---|
، و، و، و | ||||
حركه فنيه | ||||
بيتكون من | فن عصر النهضه | |||
معرض صور عصر النهضه - ويكيميديا كومنز | ||||
تعديل |
لما ابتدا عصر النهضه فى ايطاليا بقية اوروبا كانت فى مرحله ثقافيه انتقاليه. المجتمع الاوروبى وقتها كان بيختلف عن المجتمع الطليانى فى انه ماكانش مجتمع مدنى و لاسياسى بالدرجه اللى كانت موجوده فى ايطاليا. القياده الفكريه فى اوروبا كانت وقتها متمركزه فى الجامعات اللى كانت بتسيطر عليها الكنيسه سيطره كامله و عشان كده كل المواضيع و المناقشات اللى كانت بتعملها الجامعات دى وقتها كانت ليها طبيعه لاهوتيه و دينيه.
تاريخ اوروبا ممكن يتقسم لتلت مراحل: التاريخ القديم و ده مرتبط بالعصور الاغريقيه و الرومانيه، و العصور الوسطى و دى سادت من وقت سقوط الامبراطوريه الرومانيه لغاية القرن الاربعتاشر ، و العصر الحديث و ده بيبدأ من نهايات القرن الاربعتاشر بعصر النهضه.