Willy Reichert
From Wikipedia, the free encyclopedia
Dr Willy Reichert (* 30. August 1896 en Stuttgart; † 8. Dezember 1973 in Mietenkam im Chiemgau) isch a deitscher Komiker, Volksschauspiler und Sänger gwä.
Dialäkt: Schwäbisch |
1921 hot er sei Schauspilerkarrier am Schtuegerter Schauspilhaus begonna. 1931 hot er zusamma mit´m Schtuegerter Oscar Heiler die Konschtfigura "Häberle und Pfleiderer" erfonda. Bis en die 1940er Johr hot des Komikerduo mit denne schwäbische Figura auf de Varietébühna Süddeutschlands an großa Erfolg. Noch´am Griag hen die boide Kinschtler durch regelmäßiche Radio- on Fernsehsendunga populär.
En de 1950er Johr hot er meischt als urwüchsicher Schwob en zahlreiche Heimat- on Onderhaltungsfilm mitgschpilt. En seine letschde Johr hot er nebem Radio au en verschiedene Fernsehseria mitgschpilt. Er hot bis zu seim Dod en Mietenkam em Chiemgau g`lebt, wo er en Grassau beerdicht worda isch.
Dr Willy Reichert hot au a baar schwäbische Liedla gsonga. Die erfolgreichschte, die heit emmer no en de Wonschkonzert g`spilt werda sen Auf dem Echterdenger Flugplatz, Dront am Neckar steht a Bänkle, Joggele, mei Bua (I bin Soldat, vallera), M'r muass a faulenze könne, O dees wär schee, i wenn i Geld gnug hätt (vom Otto Keller) und Das Hobellied (vom Conradin Kreutzer).