Ruedi Walter
From Wikipedia, the free encyclopedia
Dr Ruedi Walter (* 10. Dezämber 1916 z Soledurn; † 16. Juni 1990 z Basel) isch e Schwizer Volksschauspiiler und Kabarettist gsi.
Dialäkt: Baseldütsch |
Er isch wohrschinlig dr bekanntist und beliebtist Schwizer Volksschauspiiler und Kabarettist gsi und het Erfolg uf dr Theaterbühni, im Radio, im Kino und im Färnseh gha, wo er in komödiantische wie au in ärnste Rolle brilliert het.
«Ein Volksschauspieler zu sein ist eine grosse Ehre für mich. Das bedeutet mir wahnsinnig viel» het dr Ruedi Walter im ene Interview churz vor siim Dod gsait, «Ein Volksschauspieler ist ein Schauspieler, der dem Volk gehört. Einer, den das Volk akzeptiert als einen der seinen.»
Näb em Heinrich Gretler, em Alfred Rasser, em Emil Hegetschweiler und em Max Haufler het er zue de fümf grosse Volksschauspiiler vo de Schwiz ghört.