Nazarenischi Kunst
e religiöös-romantischi Stiilrichdig in dr Moolerei im 19. Joorhundert / From Wikipedia, the free encyclopedia
As nazarenischi Kunst wird e romantisch-religiöösi Kunstrichdig bezäichnet, wo dütschi Künstler am Aafang vom 19. Joorhundert z Wien und Rom begründet häi. De Verdräter vo dere Stiilrichdig säit mä Nazarener. Die mäiste si nooch zum Katholizismus gsi und nit wenigi häi zun em konwertiert. Dr Hindergrund für d Beweegig si die gsellschaftspolitische Umbrüch vo dr napoleonische Eera gsi und dr repressiv Charakter vom Metternichsche Süsteem, wo d Kunst und d Leer an de Kunstakademie beiiflusst het. S Ziil vo de Nazarener isch s gsi, d Kunst im Gäist vom Christedum z ernöijere. Si häi drbii alti italiänischi und dütschi Mäister zum Vorbild gnoo. D Beweegig het Iifluss uf d Kunst vo dr ganze Romantik ghaa.
- Friedrich Wilhelm Schadow: Der blutige Rock, Freske vo dr Casa Bartholdy, Berlin
- August Grahl: Maa mit Bart, 1845
- Peter von Cornelius: Die klugen und die törichten Jungfrauen, Ööl uf Liinwand, 1813–1819, Düsseldorf, Kunstmuseum
- Peter von Cornelius: Joseph deutet die Träume des Pharaos, Freskezüklus vo dr Casa Bartholdy, Berlin, Alte Nationalgalerie
- Friedrich Overbeck: Verkauf Josephs an die ägyptischen Händler, Freskezüklus vo dr Casa Bartholdy, Berlin, Alte Nationalgalerie