Münchner Secession
From Wikipedia, the free encyclopedia
D Münchner Secession isch e Vereinigung vo bildende Künstler, wo sich 1892 vo dr Münchner Künstlergnosseschaft abgspaltet hai, zum sich gege d Bevormundig dur e staatlig Kunstbedriib und däm si konservativi Usstelligsbolitik gege die draditionelli Gründerzeit, wo vom Münchner Moolerfürst Franz vo Lenbach brägt gsi isch, z wehre. Si het as Künstlergnosseschaft fungiert und wirtschaftlige Inträsse und dr soziale Kontaktförderig dient, het aber au eigeni künstlerischi Ziil verfolgt, wie s Sträben noch ere Witerentwicklig vom Historismus. 1901 si us dr Münchner Secession d Phalanx und 1909 die Neui Künstlervereinigung Münche uusegwachse.
Im Zug vo dr „kulturelle Süüberig“ im Dritte Riich isch d Münchner Secession 1938 ufglöst worde, het sich aber noch em Zweite Wältchrieg 1946 rekonstituiert. 1992 het d Vereinigung ihr 100-jehrigs Jubileum gfiirt.